ಕುಳೂರು ಫಿರ್ಗಜೆಚಾ ಕಥೊಲಿಕ್‌ ಸಭೆಚಾ ಮುಖೇಲ್ಪಣಾಖಾಲ್‌ ಜುಬ್ಲೆವಾಚಾ ಉಗ್ಡಸಾಕ್‌ ಸಾಂತ್‌ ಅಂತೊನ್‌ ತಿಸ್ರ್ಯಾ ವಾಡ್ಯಾಚಾ ಎಕಾ ಗರ್ಜೆವಂತ್ ಕುಟ್ಮಾಕ್ ನವೆಂ ಘರ್ ಬಾಂದುನ್‌ ದಿಂವ್ಚೆ ಯೋಜನ್ ಹಾತಿಂ ಘೆತ್‌ಲ್ಲೆಂ.
ಫಿರ್ಗಜೆಚೊ ವಿಗಾರ್‌ ತಶೆಂತ್‌ ಘಟಕಾಚೊ ಆತ್ಮೀಕ್‌ ನಿರ್ದೇಶಕ್‌ ಮಾ|ಬಾ| ವಿಕ್ಟರ್‌ ವಿಜಯ್‌ ಲೋಬೊ ಹಾಣಿಂ ಡಿಸೆಂಬರಾಚಾ 20 ತಾರಿಕೆರ್‌ (20/12/2024) ಹ್ಯಾ ಯೋಜನಾಕ್‌ ಆಶಿರ್ವಾಚನ್‌ ಕರ್ನ್‌ ಘರಾಚೊ ಬುನ್ಯಾದಿ ಫಾತರ್‌ ಘಾಲೊ. ಹ್ಯಾ ಯೋಜನಾಕ್‌ ರುಪಾಯ್‌ 15 ಲಾಕಾಚೆಂ (15,00,000/-) ಅಂದಾಜ್‌ ಘಾಲಾ. ಹ್ಯಾ ವೆಳಿಂ ಘಟಕಾಚಿ ಅಧ್ಯಕ್ಷ್‌ ಮಾನೆಸ್ತಿಣ್‌ ಫಿಲೋಮಿನಾ ವೇಗಸ್‌, ಹುದ್ದೆದಾರ್‌ ಆನಿ ಸಾಂದೆ, ತಶೆಂತ್‌ ವಾಡ್ಯಾಚೆ ಗುರ್ಕಾರ್‌ ಮಾನೆಸ್ತ್‌ ಸ್ತೇಫನ್‌ ಫೆರಾವೊ ಆನಿ ವಾಡ್ಯಾಗಾರ್‌ ಹಾಜರ್‌ ಆಸ್‌ಲ್ಲೆ.